மூலிகை மருத்துவ வரலாறு:

மூலிகை மருத்துவம் என்பது இந்தியாவின் மிகவும் பழமையான மருத்துவ முறைகளில் ஒன்றாகும். மூலிகை மருத்துவம் வேத காலத்திலிருந்தே பயன்பாட்டில் இருந்து வந்துள்ளது. உதாரணமாக இராமயணத்தில் லட்சுமணனை காப்பாற்ற மூலிகை தேவைப்பட்டதால் அனுமன் சஞ்சீவி மலையை இலங்கைக்கு கொண்டு சென்றார். இதன் மூலம் இராமாயண காலத்திலிருந்தே மூலிகைகள் மருத்துவத்திற்கு பயன்படுத்தப்பட்டுள்ளது என்பதை நாம் அறியலாம். மேலும், பழைய நூல்களில் மூலிகை மருத்துவத்தின் முக்கியத்துவம் மற்றும் அதன் பயன்பாடுகள் பற்றிய விவரங்கள் குறிப்பிடப்பட்டுள்ளன. இந்த நூல்களில் சாதாரண நோய்கள் முதல் கடுமையான நோய்கள் வரை குணமாக்கும் மூலிகைகள் பற்றி குறிப்பிடப்பட்டுள்ளது.

இந்தியாவில் தற்போது வரை 8000 மருத்துவ தாவரங்கள் கண்டுபிடிக்கப்பட்டுள்ளன என்று இந்திய தாவரவியல் ஆய்வு (BSI) தெரிவித்துள்ளது. இந்தியாவில் சித்த மருத்துவம் மற்றும் ஆயுர்வேதம் ஆகியவற்றில் மூலிகைகளின் பங்கு இன்றியமையாதது. வாதம், பித்தம், கபம் ஆகிய மூன்று தோஷங்களின் சமநிலைக்கு மூலிகைகள் பயன்படுகின்றன. சீனாவிலும் மூலிகை மருத்துவம் மிகவும் பிரபலமாக இருக்கிறது. சீன மூலிகை மருத்துவம் (TCM) என்பது சீனாவின் மருத்துவ பாரம்பரியத்தின் அடிப்படையில் உருவாக்கப்பட்டதாகும்.

மூலிகை மருந்துகள் தயாரிக்கும் முறை:

மூலிகை மருந்துகளை வீட்டிலேயே எளிய முறையில் தயாரிக்க முடியும். இதற்குத் தேவையான மூலிகை பொருட்களைத் தரத்துடன் தேர்வு செய்ய வேண்டும்.

எந்த ஒரு மூலிகையைப் பயன்படுத்தும் முன் அதன் தோற்றம், வகை மற்றும் பயன்களை முழுமையாக அறிந்து கொள்ள வேண்டும்.

மூலிகை மருந்துகளை தயாரிக்கப் பயன்படுத்தப்படும் பொதுவான மூலிகைகள், வேப்பிலை, துளசி, நிலவேம்பு, கரிசலாங்கண்ணி, மஞ்சள், கறிவேப்பிலை போன்றவை ஆகும். நோய்களுக்கேற்ப மூலிகைகளை தேர்வு செய்து கொள்ளலாம்.

மூலிகைகளை நன்கு கழுவி சுத்தம் செய்ய வேண்டும்.

மூலிகை மருந்துகளை தயாரிக்கும் போது குறிப்பிட்ட அளவுகளில் மூலிகைகளைச் சேர்க்க வேண்டும்.

சுத்தம் செய்யப்பட்ட மூலிகைகளை காயவைத்து பொடியாக்கி சூரணமாக பயன்படுத்தலாம்.

சில மூலிகைகள் விஷமாக இருக்கக்கூடியவை என்பதால் அவற்றை பயன்படுத்தும் முன் தகுதி வாய்ந்த மருத்துவர் அல்லது மூலிகை நிபுணர்களின் ஆலோசனையைப் பெறுவது மிகவும் அவசியம்.

மூலிகை மருத்துவத்தின் நன்மைகள்:

மூலிகை மருத்துவத்தில் இயற்கையாகவே கிடைக்கும் மூலிகைகளைப் பயன்படுத்துவதால் ரசாயனங்களின் பக்கவிளைவுகளைத் தவிர்க்க முடியும்.

துளசி, நெல்லி, நன்னாரி போன்ற மூலிகைகள் நோய் எதிர்ப்பு சக்தியை அதிகரித்து, உடலின் சக்தியை மேம்படுத்துகின்றன.

குப்பைமேனி இலைகளை பொடியாக அரைத்து கசாயமாக பயன்படுத்துவதன் மூலம் வாதத்தை தணிக்க உதவுகிறது.

அதிமதுரம் உடல் கொழுப்பைக் குறைக்கவும், வயிற்றுப் புண்களைக் குணப்படுத்தவும், தொற்றுநோய்களை எதிர்த்துப் போராடவும் உதவுகிறது.

தூதுவளை உடல் வலிமை, ஞாபகசக்தி மற்றும் கல்லீரலில் ஏற்படும் நோய்களுக்கு சிகிச்சையளிக்க பயன்படுகிறது.

அஸ்வகந்தா பதட்டம், அறிவாற்றல், விந்தணு ஆரோக்கியம் மற்றும் தூக்கத்தின் தரத்தை மேம்படுத்துகிறது.

குறிப்பு:

மூலிகை மருத்துவத்தை பயன்படுத்தும் முன் ஒவ்வொரு மூலிகைகளின் பக்க விளைவுகள் பற்றி முழுமையாக அறிந்து கொள்ள வேண்டும். குறிப்பாக, கர்ப்பிணி பெண்கள், குழந்தைகள், முதியவர்கள் மற்றும் வேறு சில நோய்களால் பாதிக்கப்பட்டு வேறு மருந்துகளை பயன்படுத்துபவர்கள் மூலிகை மருந்தை பயன்படுத்தும் முன்பு மருத்துவரின் ஆலோசனையைப் பெறுவது அவசியம்.

{{ $item->topic_image_alt }} — {{ $item->topic_name_tamil }}

{{ $item->botanical_name_tamil }}

Read More

மூலிகை மருத்துவம்

Mooligai Maruthuvam

மூலிகை மருத்துவ வரலாறு:

மூலிகை மருந்துகள் தயாரிக்கும் முறை:

மூலிகை மருத்துவத்தின் நன்மைகள்:

குறிப்பு:

{{ $item->topic_name_tamil }}

{{ $item->botanical_name_tamil }}